ياعنكبوتة

جزء من قصيدة العنكبوتة
الشاعر الكبير
عبد الرحمن الابنودى
ياعنكبوته
كملى عشك
لاحد هيزيحك .. ولايهشك
لمى مهاجرينك
وثبتى دينك
اتمطعى ..
وخدينا فى وشك
بلاد بلا عزة
ممكن تجيبى اجلها
من هزه
بلا ضفة ...
بلا غزة ...
بلا قدس ..
بلا اردن
بالدم رشى اللى بماء رشك
وكملى عشك
انا زى مابعتى السنين الخرس
ورضيت بربع الربع
خمس الخمس
مجانى هاوهبلك
عيون القدس
لمى مهاجرينك
ولو ملايين
ياعنكبوتة ...
احنا مش فاضيين
لمى الخيوط
خيط ... خيط
واملى كل الحيط
نامى ف امان
واتمطعى ف فرشك
من وشنا
مابنسمعوش وشك
يانكبوتة ...
انسى اصوتنا
وزعقنا
ودم احيئنا واموتنا
وكملى عشك
لاحد هايزيحك
ولا يهشك
لاحد هيزيحك
ولا يهشك